தேசிய ஒருமைப்பாட்டை உறுதி செய்யும் வகையில் MMDA சட்டப் பிரச்சினையை அணுகுவோம்

இலங்கை போன்ற பல மத மற்றும் பண்பாட்டு சமூகங்களில், ஒவ்வொரு சமூகத்தின் மத பிரத்தியேக அம்சங்களை மதிப்பது முக்கியமானது. முஸ்லிம்களின் வாழ்க்கையில் மத மற்றும் சமூக அம்சமாக இஸ்லாமிய விவாகம் மற்றும் விவாக ரத்து சட்டம் ஒரு முக்கிய பங்கு வகிக்கிறது. இருப்பினும், இந்த சட்டத்தைப் பற்றி அவ்வப்போது சில விமர்சனங்கள் எழுப்பப்படுவதால், சமூக நலன் மற்றும் தேவையை உறுதிப் படுத்தும் வகையிலும் நாட்டு மக்களுக்கு இது தொடர்பான ஆழமான விடயங்களை வெளிப்படுத்துவதற்கும் ஒரு கட்டமைப்பான கலந்துரையாடல் தேவைப்படுகிறது என்பதில் சந்தேகமில்லை என்று கருதுகிறேன்.

இஸ்லாமிய விவாகம் மற்றும் விவாக ரத்து சட்டம் : மத மற்றும் கலாச்சார பிரத்தியேக அம்சமாகும்.

இலங்கையில் இஸ்லாமிய விவாகம் மற்றும் விவாக ரத்து சட்டம் இஸ்லாமிய ஷரீஆவை அடிப்படையாகக் கொண்டது, மேலும் இது முஸ்லிம்களுக்கு மட்டுமே உரியது. இந்த சட்டம் இஸ்லாமிய போதனைகளின்படி குடும்ப உறவுகளை ஒழுங்குபடுத்துகிறது, மேலும் இது நாட்டில் உள்ள முஸ்லிம்களால் பரவலாக ஏற்றுக்கொள்ளப்படுகிறது. இருப்பினும், எந்த சட்ட முறைமையையும் போல, சில சவால்கள் அல்லது பிரச்சினைகள் தோன்றலாம், அவை தீர்க்கப்பட வேண்டும். அதிர்ஷ்டவசமாக, இந்த சட்டத்தை சீர்திருத்தவும், இருக்கும் பிரச்சினைகளை தீர்க்கவும் ஒரு சிறப்பு குழு உத்தியோகபூர்வமாக அமைக்கப்பட்டுள்ளது, இது முஸ்லிம் சமூகத்தின் நேர்மறையான பதிலை பிரதிபலிக்கிறது என்று நம்புகிறோம்.

பொதுவான விமர்சனங்கள் மற்றும் பதில்கள் : ஒரு கட்டமைப்பான விவாதத்தை நோக்கி.

சமீபத்தில், ஒரு பாராளுமன்ற உறுப்பினரால் சில விமர்சனங்கள் எழுப்பப்பட்டன, அவர் தேசிய மற்றும் சர்வதேச சட்டத்தின் கருத்துகளை அடிப்படையாகக் கொண்டு இஸ்லாமிய சட்டத்தைப் பற்றி முழுமையான புரிதல் இல்லாமல் பேசினார். இங்கே, இந்த விமர்சனங்களை ஞானத்துடனும், அறிவுப்பூர்வமாகவும் கையாள்வது முக்கியம், மேலும் இவ்வாறான அறிவுப்பூர்வமற்ற விமர்சனங்களுக்கு பதிலளிக்கும் போது உணர்ச்சிவசப்பட்டு தனிநபர் தாக்குதலில் ஈடுபட்டாமல் மத சாயங்களைப் பூசி பிர மதங்களை விமர்சனம் செய்து பாரிய குழப்பங்களை விளைவிக்காது இருக்க வேண்டும்.

இஸ்லாமிய சட்டம் சர்வதேச சட்டத்தால் ஆதரிக்கப்படும் நீதி மற்றும் சமத்துவத்தின் கொள்கைகளுக்கு முரணானது அல்ல, மாறாக இது முஸ்லிம்களின் மத நம்பிக்கைகளின்படி அவர்களின் வாழ்க்கையை ஒழுங்குபடுத்தும் ஒரு சிறப்பு அமைப்பாகும் என்பதை புரியும்படி எடுத்துரைக்க சமூக தலைமைகள் தயாராக வேண்டும். 

இந்த விமர்சனங்களை எதிர்கொள்ளும் போது, முஸ்லிம் கலாச்சார பண்பாட்டுத் திணைக்களம், உலமா சபை, முஸ்லிம் பாராளுமன்ற உறுப்பினர்கள் மற்றும் சிவில் சமூக அமைப்புகள் மோதலைத் தவிர்க்க அல்லது கலவரத்தைத் தவிர்க்க மௌனத்தை விரும்புவதைக் காணலாம். மௌனம் ஒரு தற்காலிக தீர்வாக இருக்கலாம் என்றாலும், முஸ்லிம்களின் நிலைப்பாட்டை தெளிவுபடுத்தவும், தவறான கருத்துகளை மறுக்கவும் அவர்கள் அறிவுப்பூர்வமாக மற்றும் அமைதியான முறையில் பேச வேண்டியதும் கலந்துரையாடல்களை செய்ய வேண்டியதும் அவசியம். ஆதாரங்களை அடிப்படையாகக் கொண்ட கட்டமைப்பான விவாதம் அனைத்து மதங்களுக்கிடையே பரஸ்பர புரிதலை ஊக்குவிக்கும் சிறந்த வழியாகும்.

இலங்கைமைப் பொருத்தமட்டில் மத மற்றும் கலாச்சார பன்முகத்தன்மை கொண்ட நாடாகும், மேலும் இந்த பன்முகத்தன்மை சரியாக நிர்வகிக்கப்பட்டால் ஒரு மிகப்பெரும் சக்தியாக மாறும். தேசிய ஒற்றுமையை பராமரிப்பதற்கும், ஒவ்வொரு சமூகத்தின் மத பிரத்தியேக அம்சங்களை மதிப்பதற்கும் நாம் அனைவரும் பணியாற்ற வேண்டும். இஸ்லாமிய சட்டம் முஸ்லிம்களுக்கு மட்டுமே பொருந்தும், மேலும் இது மற்றவர்களின் உரிமைகளுக்கு அல்லது சர்வதேச சட்டத்திற்கு முரணானது அல்ல. மாறாக, இது முஸ்லிம்கள் தங்கள் மத போதனைகளுக்கு கட்டுப்பட்டு, மீதமுள்ள சமூகத்துடன் இணக்கத்துடன் வாழ்வதை பிரதிபலிக்கிறது.

மோதல்கள் மற்றும் கலவரங்களுக்கு பதிலாக, முஸ்லிம்கள் மற்றும் பிற மதங்களைச் சேர்ந்த பாராளுமன்ற உறுப்பினர்களுக்கிடையே கட்டமைப்பான விவாதத்தை ஊக்குவிக்க வேண்டும். கருத்தரங்குகளை  ஏற்பாடு செய்வது பரஸ்பர புரிதலை ஊக்குவிக்கவும், பிரச்சினைகளை அறிவியல் மற்றும் அமைதியான முறையில் விவாதிக்கவும் ஒரு பயனுள்ள வழியாகும். இத்தகைய நடவடிக்கைகள் நம்பிக்கையை வளர்த்தெடுக்கவும், அமைதியான ஒத்துழைப்பை ஊக்குவிக்கவும் உதவும்.

இறுதியில், சகிப்புத்தன்மை மற்றும் ஒத்துழைப்பு கொண்ட சமூகத்தை உருவாக்குவதே நோக்கமாகக் கொள்ளப்படல் வேண்டும், அங்கு ஒவ்வொரு நபரின் உரிமைகள் மற்றும் பிரத்தியேக அம்சங்கள் மதிக்கப்படுகின்றன. இலங்கையில் உள்ள முஸ்லிம்கள் தேசிய ரீதியில் எப்போதும் சமூகத்தை உருவாக்குவதற்கு பங்களிக்க முயற்சிக்கிறார்கள். கட்டமைப்பான விவாதம் மற்றும் பரஸ்பர புரிதல் மூலம், எந்த வேறுபாடுகளையும் தாண்டி, அனைவருக்கும் ஒரு சிறந்த எதிர்காலத்தை உறுதிப்படுத்தலாம்.

அஷ்ஷேக் பர்ஷாத் (BA Hons, MA).