மர்ஹும் அஷ்ஷெய்க் அரூஸ் (கபூரி) அவர்களின் மறைவுக்கு புத்தளம் - அகில இலங்கை ஜம்இயத்துல் உலமா அக்கரைப்பற்று கிளை விடுத்திருக்கும் அனுதாப செய்தி

கடந்த பல வருடங்களாக எம்மோடு பல்வேறு பணிகளிலும், திட்டமிடல்களிலும் பங்காற்றி, பல ஆலோசனைக் கூட்டங்களில் கலந்து ஆக்கபூர்வமான, நடைமுறைச் சாத்தியமான, பக்கச்சார்போ, தன்னலமோ அற்ற, பல ஆலோசனைகளை வழங்கி எமது புத்தளம் அக்கரைப்பற்று ஜம்இயத்துல் உலமா பிரதேசக் கிளையின் செயற்பாடுகளுக்கு பக்கபலமாக இருந்து இளம் வயதிலேயே எம்மை விட்டுப் பிரிந்த அரூஸ் மௌலவி என எல்லோராலும் அன்பாக அழைக்கப்படுகின்ற அஷ்ஷெய்க் ஏ.எஸ்.எம். அரூஸ் (கபூரி) அவர்களின் பிரிவு எம்மை ஆழ்ந்த கவலையிலும், வேதனையிலும் ஆழ்த்தியுள்ளது.

மர்ஹும் அரூஸ் மௌலவியின் மறைவு பற்றிய அனுதாபச் செய்தியொன்றிற்கு "ஓய்வற்ற பணியாளனின் ஓய்வு" என்று தலைப்பு இட்டிருப்பது மிகவும் பொருத்தமானதாகக் கான்கின்றோம். அவர் தனது குறுகிய கால வாழ்வுக்குள் பல்வேறு பாத்திரங்களை ஏற்று மிகச்சிறப்பாக ஓய்வில்லாமல் செய்து விட்டுச் சென்றஒரு உதாரண புருஷர். ஜம்இயாவினதோ அல்லது சமூகம் சார்ந்த எந்தப்பொறுப்பை ஒப்படைத்தாலும் சரியாக  தாமதமின்றி நடைபெறுமென்று நம்பி ஒப்படைக்கக் கூடிய நபர்களுல் மர்ஹும் அரூஸ் மௌலவி அவர்கள் முக்கியமானவர்.

அவர் எப்போதும் கடமையுணர்வும், சமூகப் பற்றும் கொண்ட இஸ்லாமிய அழைப்பாளர். குறிப்பாக வாலிபர்கள் பற்றிய அவாரின் அக்கறை சிலபோது எம்மை பொறாமை கொள்ளச் செய்திருக்கின்றது.

கருணைமிக்க அல்லாஹ் அவரது அனைத்து நற்செயலீகளையும், நல்லெண்ணங்களையும் ஏற்று அவரது கப்ருடைய வாழ்வை சுவனப் பூஞ்சோலையாகஆக்குவானாக!

நாளை மறுமையில் ஜன்னத்துல் ஃபிர்தௌஸுல் அஃலாவில் ஷுஹதாக்கள்,நல்லடியார்களோடு வாழச் செய்வானாக!

அவரது மனைவி, பிள்ளைகள், குடும்பத்தினருக்கு அவாரது இழப்பை தாங்கிக் கொள்ளக் கூடிய அழகானபொறுமையைக் கொடுத்தருள்வானாக! 

 அவர்களுக்கு அவரது இழப்புக்கு பதிலாக நல்ல பல பிரதிபலன்களையும், நன்மைகளையும் ஈருலகிலும் வழங்குவானாக!  ஆமீன். 

அஷ்ஷெய்க் எம்.எம்.எம்.மிஹ்ழார்(நளீமி) 

புத்தளம் அக்கரைப்பற்று பிரதேச கிளை

அகில இலங்கை ஜம்இயத்துல் உலமா.