யாழ்ப்பாணத்தில் இரவு நேரத்தில் சுழியோடி சட்டவிரோதமாகக் கடல் அட்டைகளை பிடித்ததற்காக 3 சந்தேக நபர்கள் கைது

(கற்பிட்டி எம் எச் எம் சியாஜ்)

யாழ்ப்பாணத்தின் குடாரப்பு கடற்கரைப் பகுதியில் திங்கட்கிழமை (27) இலங்கை கடற்படை நடத்திய ஒரு சிறப்பு தேடுதல் நடவடிக்கையில், செல்லுபடியாகும் சுழியோடி உரிமங்கள் இல்லாமல் சட்டவிரோதமாக இரவு சுழியோடுதலில் ஈடுபட்டு, கடல் அட்டைகளைப் பிடித்து கரைக்கு கொண்டு வந்த மூன்று (03) நபர்களையும், நானூற்று ஐம்பது (450) கடல் அட்டைகள், ஒரு (01) டிங்கி படகு மற்றும் சுழியோடி உபகரணங்களையும் கடற்படையினர் கைப்பற்றினர். 

அதன்படி, வடக்கு கடற்படை கட்டளையின் வெத்தலகேனி கடற்படை நிலையத்தால் யாழ்ப்பாணத்தின் குடாரப்பு கடற்கரைப் பகுதியில் நடத்தப்பட்ட இந்த சிறப்பு தேடுதல் நடவடிக்கையின் போது, ஒரு (01) சந்தேகத்திற்கிடமான டிங்கி படகு சோதனையிடப்பட்டது. அங்கு, சட்டவிரோதமாக இரவு நேர சுழியோடி நடவடிக்கைகளில் ஈடுபட்டு, கடல் அட்டைகளைப் பிடித்து கரைக்கு கொண்டு வந்த மூன்று (03) நபர்கள், நானூற்று ஐம்பது (450) கடல் அட்டைகள் , ஒரு (01) டிங்கி படகு மற்றும் சுழியோடி உபகரணங்களை கடற்படையினர் கைப்பற்றினர். 

மேலும், இந்த நடவடிக்கையின் மூலம் கடற்படையால் கைப்பற்றப்பட்ட சந்தேக நபர்கள், மன்னார் பகுதியைச் சேர்ந்தவர்கள் என்றும், 27 முதல் 44 வயதுக்குட்பட்டவர்கள் என்றும் அடையாளம் காணப்பட்டுள்ளனர். சந்தேக நபர்கள், கடல் அட்டைகள் இருப்பு, டிங்கி படகு மற்றும் சுழியோடி உபகரணங்கள் ஆகியவை மேலதிக சட்ட நடவடிக்கைகளுக்காக யாழ்ப்பாண மீன்வளத் துறையிடம் ஒப்படைக்கப்பட்டன.