இலங்கைக்கான அமெரிக்கத் தூதரகத்தின் பிரதிநிதிகள் அடங்கிய தூதுக்குழுவினர் மேற்கு கடற்படை கட்டளைத் தளபதியுடன் சந்திப்பு

(கற்பிட்டி எம் எச் எம் சியாஜ்)

அமெரிக்க பசுபிக் பிராந்திய விண்வெளிப் படையின் (U.S. Space Forces Pacific – SPACEPAC) பாதுகாப்பு ஒத்துழைப்புப் பிரதானியான Lieutenant Colonel Shumpei Fujimura உள்ளிட்ட இலங்கைக்கான அமெரிக்கத் தூதரகத்தின் இராஜதந்திரப் பிரதிநிதிகள் அடங்கிய குழுவினர், உத்தியோகபூர்வ சந்திப்பொன்றிற்காக வெள்ளிக்கிழமை (2026 ஒக்டோபர் 23) மேற்கு கடற்படை கட்டளைத் தலைமையகத்தில், அக்கட்டளையின் தளபதியான ரியர் அட்மிரல் ஹர்ஷ த சில்வாவைச் சந்தித்தனர்.

இதன்போது, விண்வெளி தொடர்பான விழிப்புணர்வை மேம்படுத்துதல், இராணுவ உறவுகளை வலுப்படுத்துதல் மற்றும் விண்வெளி ஒத்துழைப்பு தொடர்பாக இருதரப்பினருக்கும் முக்கியத்துவம் வாய்ந்த விடயங்கள் குறித்து மேற்படி உத்தியோகபூர்வ சந்திப்பின்போது மேற்கு கடற்படை கட்டளைத் தளபதிக்கும் அமெரிக்கத் தூதுக்குழுவினருக்கும் இடையில் கருத்துப் பரிமாற்றங்கள் இடம்பெற்றன.

 மேலும், இச்சந்திப்பை நினைவுகூரும் வகையில் இருதரப்பினருக்கும் இடையில் நினைவுப் பரிசுகளும் பரிமாறிக்கொள்ளப்பட்டன.