பிரஜா சக்தி தொடர்பான புத்தளம் மாவட்ட சமூக மேம்பாட்டு மன்ற பிரதிநிதிகளுக்கான தெளிவூட்டல் நிகழ்வு

(கற்பிட்டி எச் எம் சியாஜ்)

கிராமப்புற மேம்பாடு, சமூகப் பாதுகாப்பு மற்றும் சமூக வலுவூட்டல் அமைச்சகம் மற்றும் பிரஜா சக்தி தேசிய செயலகம் ஆகியவற்றால் நாடு முழுவதும் ஏற்பாடு செய்யப்பட்ட பிரஜா சக்தி - சமூக மேம்பாட்டு மன்ற பிரதிநிதிகள் விழிப்புணர்வு மாநாட்டுத் தொடரின் புத்தளம் மாவட்ட மாநாடு வெள்ளிக்கிழமை (13) மாதம்பே கூட்டுறவு அரங்கில் சமூகப் பாதுகாப்பு மற்றும் சமூக வலுவூட்டல் அமைச்சர் பேராசிரியர் உபாலி பன்னில மற்றும் பொது நிர்வாகம், மாகாண சபைகள் மற்றும் உள்ளூராட்சி அமைச்சர் பேராசிரியர் சந்தன அபேரத்ன ஆகியோரின் தலைமையில் நடைபெற்றது.

புத்தளம் மாவட்ட நாடாளுமன்ற உறுப்பினர்கள், புத்தளம் மாவட்ட ஒருங்கிணைப்புக் குழுவின் இணைத் தலைவர், அரசாங்கக் கட்சியின் துணை அமைப்பாளர், நாடாளுமன்ற உறுப்பினர்  கயான் ஜனக,  அன்டன் ஜெயக்கொடி,  எம்.ஜே.எம்  பைசல், அஜித் கிஹான், ஜனாதிபதியின் மூத்த கூடுதல் செயலாளர் கபில குணரத்ன, கிராமப்புற மேம்பாடு, சமூகப் பாதுகாப்பு மற்றும் சமூக வலுவூட்டல் அமைச்சின் செயலாளர் சம்பத் மந்திரிநாயக்க,மாவட்ட செயலாளர் இந்திக சில்வா, பிரதேச செயலாளர்கள், பிராந்திய மக்கள் பிரதிநிதிகள் என  பலரும் கலந்து கொண்டனர்.