மிலிந்த மொரகொடவுக்கு இராஜதந்திர தடங்கல் - பதவியேற்பதில் தாமதம்

இந்தியாவுக்கான இலங்கை தூதுவராக நியமனம் வழங்கப்பட்டுள்ள மிலிந்த மொரகொட அந்நாட்டில் பதவியேற்பதில் இராஜதந்திர தடங்கல்களுக்கு முகங்கொடுத்துள்ளதாக தெரிவிக்கப்படுகிறது.

இதற்குக் காரணம் இவரது நியமனத்தை இந்திய வெளிநாட்டு அமைச்சு இதுவரை ஏற்றுக் கொள்ளாமை ஆகும்...

மிலிந்த மொரகொடவுக்கு இலங்கை அரசாங்கத்தால் அமைச்சரவை அதிகாரங்களைக் கொண்ட தூதுவர் நியமனம் வழங்கப்பட்டுள்ளமை இந் நிலைமைக்கு காரணமாகும்

இவ்வாறான ஒரு நியமனம் வழங்கப்பட்டமை இதுவே முதல் தடவையாகும் என கூறப்படுகிறது.

இதனால் இவரது நியமனத்தில் "அமைச்சரவை அமைச்சர் அதிகாரம்" என்ற பதத்தை நீக்கி சம்பிரதாயபூர்வ தூதுவர் நியமனக் கடிதத்தை மீண்டும் இலங்கை அரசாங்கம் வழங்க வேண்டும் என இந்திய வெளிநாட்டு அமைச்சு இலங்கை வெளிநாட்டு அமைச்சுக்கு அறிவித்துள்ளது.

இவ்வாறு முறையான நியமனக் கடிதம் கிடைத்தால் மட்டுமே மொரகொடவின் நியமனக் கடிதத்தை இந்திய ஜனாதிபதிக்கு சமர்ப்பிக்க முடியும் என இந்திய வெளிவிவகார அமைச்சு அறிவித்துள்ளது.

இந்திய அரசியலமைப்புக்கு இணங்க நாட்டின் ஜனாதிபதியே வெளிநாட்டு தூதுவர்களின் நியமனத்தை பொறுப்பேற்பது சம்பிரதாயமமாகும் என்பது குறிப்பிடத்தக்கதாகும்.